የዚህ ጥናት ዋና አላማ የሃሳብ ድር የተማሪዎችን የቃላት እውቀት ለማሳደግ ያለውን ፋይዳ መመርመር ነበር፤ የጥናቱ ተሳታፊዎች በደቡብ ጎንደር ዞን በስማዳ ወረዳ በሚገኘው በወገዳ ሙሉ ሳይክል አንደኛ ደረጃ ትምህርት ቤት በ2014 ዓ.ም የትምህርት ዘመን በሰባተኛ ክፍል ተመዝግበው በመማር ላይ ከሚገኙት ስድስት የሰባተኛ ክፍል መማሪያ ክፍሎች መካከል በቀላል እጣ በተመረጡ ሁለት የመማሪያ ክፍሎች የሚማሩ ተማሪዎች ነበሩ፡፡ ጥናቱ ፍትነት መሰል ቅድመትምህርት ፈተናና ድህረትምህርት ፈተና የቁጥጥር ቡድን (quasi-experimental pretest-posttest comparison group) ንድፍን የተከተለ ነበር። የፍትነቱ ቡድን ተሳታፊዎች (43 ተማሪዎች) በየሃሳብ ድር ብልሃት ቃላትን የማስተማር ብልሃት፣ የቁጥጥሩ ቡድን ተሳታፊዎች (45 ተማሪዎች) ደግሞ በክፍል ደረጃው የመምህር መምሪያና የተማሪ መጽሃፍ በተመለከቱት የማስተማሪያ ተግባራት መሰረት ቃላትን ለአስር ክፍለጊዚያት ተምረዋል፡፡ የቃላት እውቀትን የሚመለከቱ መረጃዎች በቅድመትምህርትና በድህረትምህርት ፈተና ተሰብስበው በነጻ ናሙና ቲ-ቴስት ተተንትነዋል። በቅድመትምህርት ወቅት የሁለቱም ቡድኖች የጥናቱ ተሳታፊዎች በቃላት ችሎታቸው ተመጣጣኝ እንደነበሩ የነፃ ናሙና ቲ-ቴስት ትንተና ውጤቱ አሳይቷል። ከፍትነቱ በኋላ የፍትነቱ ቡድን ተሳታፊዎች ከቁጥጥሩ ቡድን ተሳታፊዎች በልጠው ጉልህ መሻሻል ማሳየታቸውን የነፃ ናሙና ቲ-ቴስት ትንተና ውጤቱ (t(86) = 2.98, P = .004፣ d = 0.63) መሆኑን አመልክቷል። ከዚህ በመነሳትም የሃሳብ ድር ብልሃት የተማሪዎችን የቃላት እውቀት ለማሳደግ ጉልህ አዎንታዊ አስተዋጽኦ አለው፤ ከማለት ድምዳሜ ላይ ተደርሷል፡፡ከዚህ ጥናት ውጤት መረዳት እንደተቻለው የፍትነቱ ቡድን ተማሪዎች በሃሳብ ድር ዘዴ ቃላትን መማራቸው የቃላት እወቅተ ፈተና ውጤት በከፍተኛ ደረጃ በልጦ ተገኝቷል፤ በመሆኑም የተማሪዎችን የቃላት እውቀት ለማጎልበት ብልሃቱን በተመለከተ በየድረጃው ለሚያስተምሩ ለቋንቋ መምህራንም ሆነ ለተማሪዎች ስልጠና መስጠትና የቃላት ተግባራትንም ለዚህ ብልሃት በሚያመች መንገድ ማዘጋጀት ያስፈልጋል፡፡ ከዚህ ጥናት ውጤት መረዳት እንደተቻለው የፍትነቱ ቡድን ተማሪዎች በሃሳብ ድር ዘዴ ቃላትን መማራቸው የቃላት እወቅተ ፈተና ውጤት በከፍተኛ ደረጃ በልጦ ተገኝቷል፤